तुझी वाट पाहताना

पानाफुलांसारख्या आठवणी तुझ्या ,

मनी भाव अबोल झाला ,

येशील का राणी तू ,

या कातर वेळी भेटायला ,

अस्ताच्या किरणांत संपतो दिवस ,

चंद्राचे टिमटिमणे बनून ये ,

हरिणीच्या डोळ्यात तुझ्या ,

प्रेमाचे गाणे घेऊन ये ,

यायला जमले नाही तर,

आठवण बनून ये ,

स्वप्न समजून राणी मला ,

फक्त तुझ्या मिठीत घे ,

वेडा आहे मी आयुष्याला ,

जराशी वेडी हो तू

फुलताना राणी फुलासारखी ,

मला सुद्धा फुलव तू ,

मी तर करतोच प्रेम तुझ्यावर ,

तू सुद्धा थोड करून बघ ,

माझ्यासारखच  राणी तू सुद्धा,

प्रेमालाच डोळ्यात घेऊन जग ........

मग बघ सगळ्यातच ,

तुला मी दिसेन ,

जवळ नसलो तुझ्या तरी ,

तुझ्याच  डोळ्यातून  हसेन ,

प्रत्येक जन्मी ,

मी तुझ्याच प्रेमात फसेन ,

कितीही वेळ लावलास तरी,

मी वाट बघत बसेन..........

पण मी नेहमी तुझ्या साठीच असेन,

नेहमीच असेन....... तिथेच जिथे तू असशील .