Protected by Copyscape Online Plagiarism Software

Friday, September 30, 2011

वचन


प्रेमाच्या दुनियेत काय ,सुखा समाधानाची नशा ,
पदरात शेवटी माझ्या ,आनंद आनंद  

नजरेतसे तिच्या मी ,माझ्या मुखी सर्वसुख ,
चराचरातसे  इर्षा ,प्रेमाची तिच्या माझ्या ,

स्पर्श अबोल बोलके ,होतसी अनायसे,
चंचल मन माझे,तिच्या गालातही दिसे,

इशारा एक तिचा ,रोमांच अंगी माझ्या  .
उमलली कळी नाजूक ,ओठावरी अनाहुत,

विरह तुझा सखे ,प्रेमानेच  फुलवला ,
कुस्करले जरी सारे, गंधात तू उरीच्या ,

नशीब काय ते सखे,म्हणावे यासी का ग वेडे ,
जन्म जन्मांतीची साथ, द्यायची तुला होती,

दूर जाऊनी गवसले ,महत्त्व मला प्रेमाचे
रहा जवळी माझ्या,भास नको दुराव्याचा ,

सखे देईन मी तुला,पाझर ही मनातला,
हौस प्रत्येक मनीची ,पुरेपूर भागविन,

फुलासारखी सखी माझी ,फुलासारखी जपेन ,
बागेत या तुझ्या, भुंगा बनून राहीन......तुझा होऊन जाईन  

Monday, September 26, 2011

अर्थ...

लहर होती पावसाळी ,
कातरवेळ ही आसुसलेली ,
चातकापरी  थेंबांना  .
अर्थ आज नवा होता.

मावळतीला सूर्यकिरणे ,
चंद्र होता उगवतीला ,
सावल्यांकडे चांदण्यांचा,
अर्थ आज नवा होता ,

कुजबुजती शांत वाटा ,
वळणांचा लपंडाव होता ,
पावलांमध्ये चालण्याचा ,
आवेग हृदयी नवा होता ,

विखुरलेले जीवन सारे,
नवे बाकी जुनेच होते ,
हसण्याचा हट्ट मनाचा .
नयनी माझ्या नवा होता ,

धुक्यामध्ये शोधताना,
गवसलेला हरवला होता ,
निराश मनी आशा दाटलेली,
रंग तिचा नवा होता ,

रडणे रडणे फार झाले ,
अश्रूंना कुठे तुटवडा होता ,
गाली फुसकुली आसवांची ,
खेळ चेहरी नवा होता ,

चेहऱ्यावरती तेज माझ्या ,
आनंद जणू बहरलेला ,
आसमंती उधळला मी,
पसारा त्याचा नवा होता..  

Sunday, September 25, 2011

मागोवा.....

वाटलं होतं असंच थोडं वळून पहावं,
भुतकाळाला परत एकदा उजळून बघावं,
त्याच क्षणांना पुन्हा पुन्हा खुलून जगावं,
वाटलं होतं असंच थोडं वळून पहावं,

पावसाबरोबर  ते भिजलेले क्षण आपले,
रागाबरोबर तुझ्या शिथिल झालेले उन लाडके,
एकदा तसंच लाजुन पुन्हा स्वतःशीच हसावं,
वाटलं होतं असंच एकदा वळून पहावं ,

दिवस कसे ते मोहक होते,
तिच्या माझ्या सोबतीला पूरक होते,
वास्तवालाही वाटे एक पाउल मागेच रहावं,
वाटलं होतं असंच थोडं वळून पहावं ,

क्षणानंतरच्या भेटीतही क्षणापुर्वीचं आठवणं ,
नवीन एखाद्या क्षणांत प्रेम खुळं स्वप्न पाहणं,
गालावरच्या खळीला तिच्या माझ्या डोळ्यामध्ये फुलवावं,
वाटलं होतं असंच थोडं वळून पहावं ,

वाईट कधी वाटलं नाही भूतकाळात जगताना,
मन कधी घाबरलं नाही परत प्रेम करताना,
कुणाचं होत काय चुकलं आज शोधत बसावं,
वाटलं होतं असंच थोडं वळून पहावं,

आयुष्य आहे नवीन आज,पण तिचे रुसणे नाही,
प्रत्येक सुखात खुशी आहे, मुखावर माझ्या हसणे नाही,
काय विसरलोय भूतकाळात ,त्यालाच जाऊन विचारावं,
वाटलं होतं असंच थोडं वळून बघावं..