Protected by Copyscape Online Plagiarism Software

Monday, October 17, 2011

आई...

सावली तुझी आयुष्य त्याचं ,
मार्ग तुझे अस्तित्व त्याचं ,
रात्रीत तुझ्या टीमटीमणं त्याचं,
आईच असते काळीज मुलाचं,

अश्रू तुझे रडणं त्याचं ,
गोंजारताच तू हसणं त्याचं,
झोप तुझी स्वप्न त्याचं,
नात हे प्रेमळ मनांचं

वसंत तू मोहरणं त्याचं ,
पाऊस तू खिदळणं त्याचं,
प्रवाह तू खळखळणं त्याचं,
तुमच्या बागेत फुलणं देवाचं,

गंध  बनून चोहीकडे  दरवळणारी तू ,
पहिलाच  प्रेमाचा घास भरवणारी तू,
सौख्य तू आयुष्याचं समाधान तू ,
दयेचं, जिव्हाळ्याचं सुखमंदीर तू ,

चराचरावर प्रेम करण्याची,
जेव्हा देवाला झाली घाई,
प्रत्येक मुखातून एकच हाक आली,
आई..आई..आई   

  

Thursday, October 13, 2011

तुला आठवणं...

रातकिड्यांचे स्वर.
सावल्यांची कुजबुज,
चांदण्याचं टीमटीमणं,
चंद्राची हुरहूर,
तसं तुला आठवणं  

माझ्यात खोलवर रुजणं,
मला मिठीत घेणं,
हलकसं गोंजारण,
स्पर्शांच मोकाट चालणं,
आवडतं तुला आठवणं

कळ्यांच फुलणं,
फुलांचं दरवळणं ,
वाऱ्याचं खळखळणं ,
झऱ्याचं झरणं ,
तसं तुला आठवणं  

सरींचं गीत गाणं,
पावसाचं त्यात बरसणं ,
थेंबाना गालावर झेलणं ,
ओठांचं अधीर होणं,
तसं तुला आठवणं  

गवताचं  नादात डोलणं ,
दवाचं पात्यावर नाचणं,
फुलपाखरांच मनसोक्त बागडणं ,
पक्षांचं किलबिलणं ,
  तसं तुला आठवणं    

Wednesday, October 12, 2011

अस्तित्व...


नष्ट करून टाक ती मळबट,
माझं तिचं खोटं गुज प्रेमातलं,
साधसूदं मन वेडं माझं,  
लोभस भावनांत अडकलेलं,
संपवून टाक सगळं तिचं,
रुजलेलं अस्तित्व माझ्यातलं,

अश्रूंच्या आठवणी नको आता,
नको ते जीवन विश्वास घातातलं,
काहीच नाही माझ्याकडे गमवायला ,
राहिलंय सुखं ते आयुष्यातलं,
संपवून टाक सगळं तिचं,
रुजलेलं अस्तित्व माझ्यातलं,

मैत्री तिची नको मला ,
नको ते नातं  दिखाव्यातलं ,
नको मला हे आयुष्यंच,
तिच्या फसव्या सहवासातलं,
संपवून टाक सगळं तिचं,
रुजलेलं अस्तित्व माझ्यातलं,
                                                    
रे थेंबा वाहावून घेवून जा मला,
पुरेपूर  तिच्यातलं,
वादळात जाळून टाक आवेगात ,   
तिला पूर्णत्वे मनातलं ,
संपवून टाक सगळं तिचं,
रुजलेलं अस्तित्व माझ्यातलं,

प्रेमावर विश्वास माझा ,
सत्व त्यात पवित्र स्वर्गातलं  ,
मनुष्यानेच बदलली चव ,
खुलेआम नकोतंस लुबाडलं,
संपवून टाक सगळं तिचं,
रुजलेलं अस्तित्व माझ्यातलं,