तिची आठवण

तिची स्वप्ने ,

माझ्या आठवणी,

तिचे मन, माझे जीवन ,

तिचे हसणं माझे सुख ,

तिचे सुख माझा स्वर्ग ,

तिचे रडणं माझे दुःख ,

तिचे दुःख माझी दशा ,

तिच्या डोळ्यात माझं हरवणं ,

तिचे हरवणं माझं शोधणं,

तिच्या केसात माझं गुंतणं,

जाणून बुजून त्यांना विस्कटवणं,

आवडतं मला मग तिचे रागे भरणं,

मग तिचे रुसणं आणि माझं मनवणं,

येत नसेल आठवण तरी तिला आठवणं ,

त्यातच हरवून स्वतःच स्वतःशी हसणं ,

ओठांनी न बोलता उगाच तिचे इशारे करणं,

माझ्या तरंगात वादळ निर्माण करणं ,

तिचे डोळे आठवले की शब्दच संपतात ,

माझ्या तनामनाला चिंब चिंब भिजवतात ,

रोम रोम रोमांचित करतात माझा ,

तिच्या मनाची हिरवळ माझ्या मनावर पांघरतात ,

तिच्या प्रेमापेक्षा मला तिचे रुसणं आवडायचं

त्यात तिचे सौंदर्य अजूनच खुलायच ,

मग जे अनुभवायचं ते स्वर्गापेक्षा वेगळ कधीच नसायचं,

प्रेम प्रेम प्रेम काय माहित जणू हेच असावं ,

तिच्या माझ्या सुखदुःखात दोघांनी एकत्र भिजावं