अबोली...

वाटे तिच्या मनी,

वाट त्याची बघावी ,

तोच यावा स्वप्नी ,

झर जशी वाहावी,

मन भिजून जावं एकदाच,

आठवणींत ती सुद्धा फुलावी,

डोळ्यात मात्र तिच्या ,

त्याचीच मस्त नशा राहावी,

यावेत शहारे अंगावरती,

मनी मात्र तोच उमलावा,

एकटे असतील क्षण जेव्हा,

छेडणारा तो भुंगा व्हावा,

फुल बनावे तिने ,

ओठावर त्याच्या विरघळून जावे,

एकमेकांच्या  मिठीत त्यांनी,

नवीन एखादे स्वप्न विणावे,

आनंदाच्या आभाळाला त्यांच्या,

सुखाचे क्षितीज लाभो,

ओढ असावी ओढ्याची ,

प्रेमालाही पाझर फुटो,

प्रत्येक स्वप्नाचा आनंद,

प्रत्येकवेळी वेगळा असो,

प्रत्येक आनंदी क्षणाला अशी,

हजार नवी स्वप्ने दिसो,