विरंगुळा........................

                               

जीवनाच्या खडतर प्रवासात

क्षणभर विसावा हवा

वाटेत सुखावण्यासाठी

थोडा विरंगुळा हवा

विरंगुळा असतो कणाकणात

अन् बघणार्‍याच्या दृष्टिकोनात

सुखाचे स्वप्न रंगवी

दुःखाच्या एकाकी सणात

क्षणभर सुखासाठी

ही नजर भिरभिरते

क्षणिक सुखामध्ये

ती थकवा विसरते

विरंगुळा मिळताच

उदास मनही फुलते

दुःख सारे विसरूनी

तनही हर्षुनी झुलते

क्षणाक्षणाच्या विरंगुळ्याची

आठवण मनात राहते

आयुष्याच्या प्रवासात 

शिदोरी होऊ पाहते

विरंगुळ्याची एकच झुंज

आयुष्यातील दुःखाशी

थकलेले मन माझे

सुखावले सुखाशी

    -          संकेत गुजर

ती सुंदर संध्याकाळ ...............

                             काय मोहरली आहे हि ,

                                         नववधू प्रमाणे संध्याकाळ ,

                             अन् चाले किनाऱ्याशी ,

                                         शांत सावल्यांची माळ,

                             आठवण येई इथे येता ,

                                         मज माझ्या वेड्या प्रियाची ,

                             रात्री आधीच उगवते,

                                          कोणती हि नवी सकाळ,

                             रंगामध्ये हि रांग स्वप्नांची ,

                                        पिवळ्या निळ्या काळीम्याची,

                            किनाऱ्या वरती चालत होती ,

                                          पाउल खुणा ती ओळखीची,

                             पावले ओळखीती मला,

                                       न मला ओळख त्या सावल्यांची ,

                             किनाऱ्या वर चाले एक सावली,

                                       दुसरी मात्र तिथे नसायची ,

                             किनाराच आज होता,

                                       वाटेवरी माझा सोबती ,

                             अन् त्या एकांता मध्ये ,

                                    तिची आठवण रंगत होती,

                         

                            आठवणीचा किनारा तिच्या ,

                                    या किनाऱ्या परी सुंदर दिसतो ,

                            ती असते त्या किनाऱ्यावर,

                                      अन् तो मला चिडवत बसतो,

              

                            असेच न्याहाळता हि सुंदर संध्या ,

                                      मी सुद्धा तिचाच विचार करतो,

                           ती असेल कधी तरी जवळ माझ्या,

                                      त्या संध्येचे मी स्वप्न रेखितो............     

क्षण

क्षणभंगुर जीवन आपुले

क्षणातच बदलून जाई

क्षणात सुखे क्षणात दुःखे

अन् क्षणातच बहरून जाई

जीवनाच्या पडद्यावरती

निरनिराळे रंग पसरती

सुखाच्या मोहक चित्रामध्ये   

दुःखाची किनारही विसरती

आयुष्याच्या वेलीवरती

वेगवेगळी फुले उमलती

ऋणानुबंधाच्या भोवऱ्यात

मावळूनही परत फुलती

अनेक क्षणांचे नाते

तुटते एका क्षणात

शोधिते आधार वेडे   

एक मन दुसऱ्या मनात      

जीवन आपुले जीवनासारखे

मुठीतुनही निसटते

वाऱ्यावरती स्वार होऊन

इकडे तिकडे भरकटते 

क्षण येती क्षण जाती

क्षण अळवावरचे मोती

क्षण येती क्षण जाती

उभ्या आयुष्याचे साथी

                                       - संकेत गुजर