फळांनी भरलेल्या फांदीला,
एखादं निरागस फुल असावं,
तसं तुझं असणं,
माझ्या आयुष्यात सुगंध बनून,
पावसाच्या एखाद्या,
चुकलेल्या थेंबाचं अस्तित्व माझं,
अन् त्यालाही मनात आसरा देण्याचं,
मोठेपण रुजावं......
तसं तुझं असणं,
माझ्या आयुष्यात पाऊस बनून,
गोंधळलेली एखादी वाट असावी,
काळोखात न्हालेली तसा मी,
त्या काळोखातही प्रकाशित होण्यास,
प्रेरित करावं........
तसं तुझं असणं,
माझ्या आयुष्यात चांदणं बनून,
पंख असूनही,
आभाळाची भीती ठेवणारा हतबल मी,
त्याच आकाशात ध्येय शोधून,
यशाचा मार्ग मिळावा......
तसं तुझं असणं,
माझ्या आयुष्यात गुरु बनून,
अस्तित्वाला माझ्या,
माझंच असणं नसावं तसा मी,
नसण्याला माझ्या,
स्वताच्या असण्याने पूर्ण करावं..
तसं तुझं असणं,
माझ्या आयुष्यात माझं असणं बनून....
..........एक मित्र म्हणून ......
No comments:
Post a Comment