आई...

सावली तुझी आयुष्य त्याचं ,

मार्ग तुझे अस्तित्व त्याचं ,

रात्रीत तुझ्या टीमटीमणं त्याचं,

आईच असते काळीज मुलाचं,

अश्रू तुझे रडणं त्याचं ,

गोंजारताच तू हसणं त्याचं,

झोप तुझी स्वप्न त्याचं,

नात हे प्रेमळ मनांचं

वसंत तू मोहरणं त्याचं ,

पाऊस तू खिदळणं त्याचं,

प्रवाह तू खळखळणं त्याचं,

तुमच्या बागेत फुलणं देवाचं,

गंध  बनून चोहीकडे  दरवळणारी तू ,

पहिलाच  प्रेमाचा घास भरवणारी तू,

सौख्य तू आयुष्याचं समाधान तू ,

दयेचं, जिव्हाळ्याचं सुखमंदीर तू ,

चराचरावर प्रेम करण्याची,

जेव्हा देवाला झाली घाई,

प्रत्येक मुखातून एकच हाक आली,

आई..आई..आई