तू आणि मी
फक्त चालत राहतो
गप्प बसूनही
हातांनी बोलत राहतो
सतत नजर चुकवून
आपण एकमेकांना पाहतो
लोक बघतील म्हणून
थोडं दूरच राहतो
नजरेला नजर भिडता
डोळे बोलू लागतात
तुझ्यामाझ्या मनातलं
सारं गुपित सांगतात
अवघडलेलं सगळं
सोपं वाटू लागतं
वेडावलेलं मनही मग
शहाण्यासारखं वागतं
चालता चालता
तो क्षण येतो
माझा हात सोडवून
तुला दूर नेतो
जायचे नसते दोघांनाही
तरीही चालत राहतो
अन् जातानाही सतत
मागे वळून पाहतो
- निमिष
No comments:
Post a Comment