किनाऱ्यावरून चालताना
क्षणभर वळून पाहिले
आठवणींचे काही क्षण
पाउलखुणांत राहिलेले
प्रत्येक पाउलखुणांसरशी
एक आठवण होती
आठवणींना त्या वाळूची
क्षणभर सोबत होती
कातरवेळी तो किनारा
माझी नेहमी वाट पाहतो
वाळूच्या ओलाव्याने
मनास माझ्या स्पर्श करतो
भाव माझ्या मनातील
त्याला जणू उमगतो
लाटेसवे येउनी मग
सांत्वन माझे करतो
- संकेत
भाव माझ्या मनातील
ReplyDeleteत्याला जणू उमगतो
लाटेसवे येउनी मग
सांत्वन माझे करतो
छान लिहिले आहे.
माझ्या ब्लॉगचा पत्ता:http://prashantredkarsobat.blogspot.com/