नजरेतील भाव तुझे
मनाची ओळख सांगतात
सांगायचे असते खूप काही
पण वेडे बोलतच नाही
वाऱ्यासवे रुळणारे
रेशमी केस तुझे
त्याच्याबरोबर मंजुळ गाणी गातात
गालावर तुझ्या रमण्याची
त्यांची वाईट खोडी
माझा जणू जीवच घेऊन जातात
मनमोहक हास्य तुझे
कोमल प्रभा पसरवतात
गालावरील खळी तुझी
काळजाचे ठोके चुकवितात
सुगंध तुझ्या शरीराचा
मनामध्ये दरवळत राहतो
स्पर्श नितळ कांतीचा
नवचैतन्य बहरवितो
माझ्यावरती रागे भरणे
असह्य वेदना देते
लडिवाळपणे बोलणे तुझे
सारा शीण घालविते
अदा तुझ्या प्रेमाची
रोमारोमात वसते
मिठी तुझ्या सहवासाची
बेधुंद मज करते
तुजसवे प्रीत माझी
अधिकच बहरली
आयुष्य जगण्याची मला
नवी उमेद गवसली
- संकेत गुजर
No comments:
Post a Comment